4. Недостатоците на алатките за онлајн учење

Се разбира, секоја нова алатка има и своја негативна страна. Можеби сте забележале дека многу од предностите вклучуваат одреден тип на ученик – ретко тоа се тинејџери, а почесто млади до возрасни луѓе. Основците ќе наидат на повеќе од овие недостатоци. Тоа не значи дека онлајн учењето не им одговара – многу талентирани наставници успеваат да го направат да функционира – но секако има повеќе предизвици!

4.1. Зависност од технологијата

Алатките за онлајн учење се многу често зависни од технологијата. Ним им треба одреден хардвер, сигурна интернет конекција и често, пристап до одреден софтвер. Многу ученици или студенти едноставно нема да имаат буџет за ова – споменавме претходно дека професионалците имаат зголемена пристапност во некои области. Сепак, тоа доаѓа по цена на непристапноста на друго место.

За учениците или студентите кои се потпираат на читање од усни може да претставува проблем разликата помеѓу аудиото и видеото, а без точни титлови тие нема да можат да се вклучат како што би можеле ако се личн присутни. Исто така, ова може да биде многу комплицирано за аутистичните поединци или други лица со проблеми со сетилната перцепција, особено ако на другите ученици не им е исклучен звукот на микрофонот или има многу визуелна стимулации кои се случуваат одеднаш. На пример, методите кои претходно се користеа, како обезбедување на печатени копии на текстови со брајово писмо – веќе не се користат.

Најголемата причина за непристапност се финансиите – ако ученикот не може со сигурност да пристапи до потребната технологија, тој ќе биде во неповолна положба. Ковид-19 го направи ова уште посложено, бидејќи учениците кои можеби претходно можеа да ги искористат предностите на библиотеките, Wi-Fi-то во кафулето и другите објекти веќе не можат да го сторат тоа.

Се разбира, дури и за ученици со добар хардвер и софтвер, не е секогаш едноставно. Интернет-врските може да се прекинат, софтверот за видео повици може да блокира и да падне, а може да се појават и други технички проблеми. Не секој верува во технологијата, а постарите ученици, како и некои од  помладите не можат да се справат со овие програми. Курсевите за учење на далечина мора да се приспособат и да ги имаат предвид сите овие работи. Во спротивно, ризикуваат да изгубат ученици.

4.2. Потреба од самомотивација и дисциплина

Иако флексибилноста е предност, таа не функционира ако не постои самомотивација и дисциплина. За многу студенти, универзитетот по нивна мерка почнува да ги усовршува овие вештини во рамките на системот за поддршка. Префрлувањето на онлајн студирање може многу полесно да ви го одвлече вниманието – веќе нема потреба физички да се појавувате лично на предавање, а целата работа се врши на уред која е кој  е полн со нешта кои можат да ви го одвлечат вниманието. Тешко е да се остане продуктивен кога сте вознемирени, а моменталната ситуација дефинитивно допринесува кон тоа.

Ситуацијата се влошува кога се во прашање помладите ученици- да си признаеме, нема многу деца на седум години кои се мотивирани да имаат училиште цел ден седејќи во клупа.

За некои ученици, ова нема да биде проблем. Сепак, многумина едноставно сè уште немаат дисциплина и се соочуваат со овој проблем. Онлајн курсевите не се најдобриот начин за учење на овие вештини – тие имаат корист од учениците веќе ги имаат. Тоа не значи дека нема поддршка, бидејќи многу наставници ќе бидат подготвени да им помогнат на учениците кои се подготвени сами да  се пријават. Сепак, тоа е предизвик кој вреди да се признае и нешто за што треба да се подготват новите ученици.

4.3. Недостаток на социјални аспекти

За многу млади луѓе, училиштето е првата прилика да се оддалечат од своите роден град и семејството и да почнат да го чекорат по својот пат. Многу училишта се популарни по социјалниот аспект на нивните програми исто колку и по содржината на курсот, што е многу потешко да се постигне со онлајн програмите. Иако е можно да се организираат состаноци и социјални настани преку Интернет, чувството не е исто како да се биде во училиштето со илјадници ученици на иста возраст.

За некои ученици, ова нема да претставува проблем, но на многумина изолацијата може да им претставува поголем предизвик од очекуваното. Знаеме дека сите што работат од далечина сметаат дека изолацијата е еден од нивните најголеми проблеми, а веројатно истото важи и за оние кои учат од далечина.

Извор: https://d55o2y2a8v973.cloudfront.net/wp-content/uploads/2020/08/Challenges-of-Work-From-Home.png

Ова е уште поголем проблем за помладите ученици. Додека студентите на универзитетска возраст веројатно веќе имаат социјални кругови и искуство, помладите ученици – особено оние на возраст меѓу пет и 11 години – се потпираат на училиштето за голем дел од нивниот социјален живот. Кај нив постои можноста да не успеат да развијат некои витални социјални вештини. Додека онлајн пријателствата се подеднакво вистински како и оние лице во лице, отсуството на физичка блискост може да се претставува проблем. Ова е особено веројатно да се случи во пандемија, бидејќи децата треба преминат од вистинските дружења на онлајн комуникација.

4.4. Потенцијално неискусни наставници

Сите ние го знаеме просечниот универзитетски професор, кој еодличен во истражување, но нема врска од предавање. Онлајн предавањата можат уште повеќе да го потенцираат овој проблем, каде што дури и добрите наставници би можеле да имаат потешкотии поради новиот формат.

Не сечиј стил на настава е добар и во виртуелната училница – тоа е вештина која треба да се научи, и која не сите наставници имале шанса да ја научат. Подучувањето на видео состанок каде што гледате различни делови од животот на вашите ученици – без разлика дали се работи за нивното лице, врвот на главата и таванот или нивното милениче кое ве прекинува – е многу различно од училницата или предавалната.

Одличните, интерактивни предавачи може да се почувствуваат ограничени од потребата за претходно снимање без вообичаеното влегување во класот кое го означува почетокот. Оние кои течно зборуваат кога се физички присутни можат да имаат проблеми со зборувањето додека се обидуваат да покажат слајдови во видео повик.

Да не зборуваме за ризикот кога наставниците немаат искуство со технологијата. Ако тие имаат проблем да ги закачат потребните ресурси, или не се сигурни од каде да ги преземат вашите поднесени домашни задачи, или едноставно не знаат да работат на форум за дискусија, тоа ќе ги остави учениците со полош впечаток отколку во вистинска училница. Да останете ангажирани на онлајн состаноци цело време е само по себе комплицирано, па додавањето повеќе работи кои го одвлекуваат вниманието само ќе го влоши ова.

За среќа, оваа негативна страна прилично лесно може да се подобри – ако вработените во образовните институции обезбедуваат детална обука за својот персонал и имаат одговорен ИТ тим, ова неискуство често може да се ублажи.

4.5. Не одговара за практични курсеви или теми

Иако многу работи можат да се префрлат во интернет опкружување и да бидат исто толку добри (или подобри) отколку во физичка средина, некои едноставно не можат. Учениците по природни науки нема да можат да користат опасни хемикалии во својот дом и на тој начин немаат можност да прават практични експерименти. Стручните курсеви како чешлање кучиња, фризури и курс за електричар имаат аспекти што може да се реализираат онлајн, но сепак, треба и многу физичка пракса.

4.6  Практична проценка (предности и недостатоци)

Земете ги предвид овие работи:

• Со каква опрема располагате?
• Имате ли доволно вештини за да ја одржувате опремата?
• Дали имате доволно познавања за да одржувате ваша LMS платформа, или ќе користите онлајн верзија?
• Со какви финансии располагате за да го постигнете ова?
• Побарајте финансиска помош од училиштето!
• Запишете ги одговорите и почнете да размислувате какви можности има!